أجمل معاني الحب لمن يستحق

أجمل معاني الحب لمن يستحق
يا معاني الحب جودي في الفضاء بأحلى الكلام
وانثري ورد الموده .. واعزفي بأبهى الجمل
يا طيور الجو طيري في الأعالي كالسهام
اصدحي بين السطور والقوافي بنور الأمل
هذي أمي بالسماء قمره تضوّي لي الظلام
هذي اللي ودادها في سنا روحي عسل
في المرض ألقى سهرها يحلّ ودعّها المنام
وان شفيت الحظ سعاده في محياها اكتمل
ابتسامة ثغرها خلّت حياتي في سلآم
وابتهاج النظره عندي تمحي كل اللي حصل
إيه أحبك يا حياة الروح يا كلّ الأنام
يا نبض روحن تودك ما عرف أيّة كلل
والحبيب اللي غمرني بالمحبه والاحترام
نوّر دروبي بكلآمه و ابعد عني الجهل
يا بوي يا حبيبي يا سراجي في الظلام
ياللي ا حروفك بالذهب محفوره منذ الأزل
ياشقى روحي لا لقت منك أية ملآم
ويا سعدها لا لقت كلمة تنهي الجدل
لو بقيت اكتب واسطر وانسج بحروفي غمام
ما أظن حبري يترجم من شعور إلا الأقل
لو سعيت اقصد لهم ما أكون إلا غلآم
قد صغر جنب الحروف في معانيها وصل
يا سامعي هاك القصيد برّوااسعوا للمرام
للجنان اللي خلقها ربي قبل قرب الأجل
في الختام ارسل كلام في وسط ذاك الزحام
للحبيبه والحبيب اللي لهم زين البذل
عزوتي ربي يحماكم من ظروف وقت الحسام
ويحفظكم ويهداكم دوم لأثمن عمل
والصلاة على رسولي في سجودي والقيام
والذكر دايم لرب هدآنا أغلى السبل