لاتشتكي ياقلب

لا تشتكي يا قلب
ياقلب لا تشكي همومك على الناس
ماكل شخص يعذرك في مصابك


لاتسكب الدمعه على خد حساس
ولا تحرق اوراق الزهر في عتابك

ولا تضيق الصدر المولع بالانفاس
ولاتقطع عروق بكت عند بابك


ياقلب ولله مابقى بعيني انعاس
يومك شكيت الحب محد درا بك


النار ما تحرق سوى رجل من داس
وللي كواه الحب يفهم خطابك


قبلك شرب مجنون ليلى من الكاس
واليوم نفس الكاس تسقى شرابك


ياقلب اعرف معدنك معدن الماس
توفي لحبيب الروح لوهو رما بك


ياقلب خلك بالشدايد قوى باس
لا تلتفت للجرح لوهو سطابك


ياقلب لا تسقي عروقك من الياس
وخل الامل والصدق دايم زها بك

مادام طاحت فاسك اليوم بالراس
اعذر جميع الناس واخفي عذابك